صالحہ
شہد کے رنگ کی دھوپ
دودھ سا دھند کا غبار
جنتوں جیسی ادا جب زمیں کی ہونے لگے
ہیبتِ روزِ حشر، دہشتِ روزِ جزاء
چاہتِ باغِ بہشت، اپنی کشش کھونے لگے
جب خود ہی اپنی شبیہ حور سا مسحور کرے
برہمیِ رب سے سوا لگنے لگے
صدمہِ ناراضیِ دوست
اندیشہِ بربادیِ عشق
فنا کے محل و مکاں کی آگہی پہ بھاری ہو
تو راہِ راست کے معنی کسی نے جو بھی لکھے
مری نظر میں وہ یکسر بدلتے جاتے ہیں
No comments:
Post a Comment
What you write is what you think and what you think is who you are.